नारायणकाजी श्रेष्ठ - गोरखा क्षेत्र नं. २

प्रदेश नं ४   दल: माओवादी केन्द्र   प्राप्त मत: कैफियत:  

किशोरावस्थामा डाक्टर बन्ने लक्ष्यसहित गोरखाबाट काठमाडौं आएका नारायणकाजी श्रेष्ठ यतिबेला चुनावी दौडमा गोरखामै केन्द्रित भएका छन् ।

सुरुमा कांग्रेसको विद्यार्थी राजनीतिमा काम गर्दागर्दै ०३३ सालमा वीपीले राष्ट्रिय मेलमिलापको नीति लिएपछि कांग्रेस पञ्चायतपरस्त भएको भन्दै श्रेष्ठ कम्युनिष्ट पार्टीतर्फ आकर्षित भए ।

उनी नेकपा एकता केन्द्रको महासचिवसम्म बने । शान्तिप्रक्रिया पछि प्रचण्ड नेतृत्वको तत्कालीन नेकपा माओवादीसँग उनले पार्टी एकता गरे ।

हालसम्म अविवाहित श्रेष्ठ माओवादी केन्द्रका दोस्रो बरियताका शीर्ष नेता हुन् । उनी अहिलेको वाम गठवन्धन निर्माण गर्न भूमिका खेल्ने प्रमुख नेताहरुमध्येका एक हुन् ।

सरकारमा उपप्रधानमन्त्री र परराष्ट्रमन्त्रीसमेत बनेको अनुभव श्रेष्ठसँग छ । उनी राष्ट्रियतालाई केन्द्रमा राखेर काम गर्ने र भ्रष्टाचार नगर्ने नेताका रुपमा चिनिन्छन् । सरकारी सुविधाको गाडी त्यागेर सार्वजनिक गाडी प्रयोग गर्दा उनको निकै चर्चा भएको थियो ।

पहिलो संविधानसभा निर्वाचनमा समानुपातिक सभासद बनेका उनी दोस्रो संविधानसभा निर्वाचनमा भने मकवानपुरबाट पराजित भएका थिए । हाल प्रतिनिधिसभा सदस्य निर्वाचनमा गृह जिल्ला गोर्खाको क्षेत्र नम्बर २ बाट उनी उम्मेदवार बनेका छन् । उनका प्रतिस्पर्धी नयाँ शक्ति नेपालका संयोजक डा. बाबुराम भट्टराई छन् ।

माओवादी पार्टीमा रहँदा पूर्वसहकर्मी रहेका डा. भट्टराई र श्रेष्ठ अहिले चुनावी प्रतिस्पर्धामा उत्रिएकाले गोरखा २ ले विशेष चर्चा पाएको छ ।

निर्वाचन जितेर काठमाडौं फर्केको अवस्थामा राष्ट्रिय राजनीतिमा श्रेष्ठको भूमिका अहम हुने देखिन्छ । यसअघि नै उपप्रधानमन्त्री र परारष्ट्रमन्त्री भइसकेका श्रेष्ठ वाम गठबन्धनको सरकार बन्ने अवस्था आएमा उपप्रधानमन्त्रीसहित माओवादीबाट सरकारमा सहभागी हुने सम्भावना बोकेका नेता हुन् ।

प्रतिनिधिसभा सदस्यका थप उम्मेदवारहरु

बामदेव गाैतम

नेकपा एमाले

अम्बिका बस्नेत

नेपाली कांग्रेस

डिलाराम अाचार्य

माओवादी केन्द्र

रामचन्द्र झा

माओवादी केन्द्र

शुक्रराज शर्मा

नेपाली कांग्रेस

जनार्दन ढकाल

नेकपा एमाले