नयाँ पार्टी, पहिलो उम्मेदवारी

प्रगतिशिल लोकतान्त्रिक पार्टीले पर्सा क्षेत्र–२ मा अमिताभ बच्चन दास तत्मालाई प्रत्यक्ष निर्वाचनको मैदानमा उतारेको छ। ४३ वर्षिय बच्चन वीरगन्जका स्थानीय हुन् र ठाकुरराम बहुमुखी क्याम्पसबाट स्नातकोत्तर गरेका छन्।

बच्चन समाजसेवामा सक्रिय छन् र तत्कालीन माओवादी केन्द्रका पर्सा–२ का प्रभावशाली युवा नेताका रूपमा परिचित थिए।

माओवादी केन्द्र र नेकपा समाजवादीबीचको एकतापछि उनले पार्टीसँग अलग भएर प्रगतिशील लोकतान्त्रिक पार्टी (प्रलोपा) रोजेका हुन्। पार्टीको स्थापना र निर्णयमा जनार्दन शर्मा र डा. बाबुराम भट्टराईको पहलमा उनलाई टिकट प्रदान गरिएको हो।

उनले पर्सामा युवा नेता र स्थानीय प्रभावशाली कार्यकर्ताको छवि बनाएका छन्।

अनुकूलता

• स्थानीय स्तरमा प्रभावशाली युवा नेता
• माओवादी केन्द्रका युवा नेताका रूपमा परिचित, स्थानीय जनसमस्यामा पहुँच
• समाजसेवा र सक्रिय राजनीतिक पृष्ठभूमि

प्रतिकूलता

• प्रलोपा नयाँ दल भएकाले पार्टी ब्रान्डिङ र जनमत निर्माण चुनौतीपूर्ण
• संघीय/प्रत्यक्ष निर्वाचन अनुभव सीमित
• संसदीय चुनावमा पहिलो पटक उम्मेदवारी