स्थानीय राजनीतिको अनुभवले खारिएपछि संघको उम्मेदवार

स्थानीय पकड बलियो भएकी निलम अधिकारी एमालेबाट महोत्तरी-४ मा प्रतिस्पर्धामा छिन् ।

०००

नेकपा एमालेकी उम्मेदवार निलम अधिकारी महोत्तरी निर्वाचन क्षेत्र नम्बर ४ बाट प्रतिनिधिसभा सदस्यका लागि प्रतिस्पर्धामा छिन् । स्थानीय राजनीतिमा लामो समयदेखि सक्रिय अधिकारी यस क्षेत्रकी प्रभावशाली महिला नेताका रूपमा परिचित छिन् ।

४३ वर्षीया अधिकारीको जन्म महोत्तरी जिल्लामै भएको हो । उनी औरही नगरपालिकाकी स्थायी बासिन्दा हुन् ।

कक्षा १२ सम्म औपचारिक शिक्षा हासिल गरेकी अधिकारीको पारिवारिक पृष्ठभूमि र स्थानीय बसोबासले यस क्षेत्रको सामाजिक, आर्थिक र भौगोलिक अवस्थाबारे राम्रो बुझाइदिएको छ ।  नजिकको सम्बन्ध र अनुभवका आधारमा उनले स्थानीय मुद्दा उठाउँदै आएकी छन् ।

मधेश प्रदेशको राजनीतिमा महिला सहभागिता र नेतृत्वबारे चर्चा भइरहेका बेला एमालेले अधिकारीलाई प्रत्यक्षतर्फ उम्मेदवार बनाएर सशक्त विकल्पका रूपमा अघि सारेको छ । मधेशको राजनीतिमा उनको उपस्थितिलाई समावेशी र परिवर्तनमुखी नेतृत्वका रूपमा हेरिएको छ ।

यसै क्षेत्रबाट मधेश प्रदेशका पूर्वमुख्यमन्त्री सरोजकुमार यादवले पनि उम्मेदवारी दिने चर्चा चलेको थियो । तर अन्तिम समयमा उनले उम्मेदवारी नदिई अधिकारीलाई अघि बढाउने निर्णय गरेपछि एमाले भित्रको समर्थन थप सुदृढ छ ।

अनुकूलता

• स्थानीय राजनीतिमा लामो अनुभव र क्षेत्रबारे गहिरो जानकारी
• संविधानसभा निर्वाचनमा प्रतिस्पर्धा गरिसकेको अनुभव
• महिला नेतृत्व र समावेशी प्रतिनिधित्वका कारण विशेष पहिचान

प्रतिकूलता

• राष्ट्रिय तहको संसदीय अनुभव सीमित हुनु
• कडा र बहुपक्षीय प्रतिस्पर्धा
• परम्परागत राजनीतिक प्रभावबीच आफ्ना एजेन्डा स्थापित गर्ने चुनौती