गगन कुमार थापा
राजनीतिक स्वभाव र शैली
बौद्धिक र तार्किक प्रस्तुति
थापा आफ्ना कुराहरू तथ्य, तथ्याङ्क र तर्कका आधारमा राख्न माहिर मानिन्छन्। उनी सदनमा होस् वा सार्वजनिक मञ्चमा, विषयवस्तुको गहिरो अध्ययन गरेर बोल्ने शैलीका कारण युवा पुस्तामाझ निकै लोकप्रिय छन्।
आक्रामक र स्पष्ट वक्ता
उनी अन्याय र बेथितिका विरुद्ध प्रखर रूपमा प्रस्तुत हुन्छन्। आफ्नै पार्टी सत्तामा रहँदा समेत सरकारका गलत निर्णयको आलोचना गर्न नहिचकिचाउने उनको 'विद्रोही' स्वभावले उनको फरक छवि बनाएको छ ।
परिवर्तन र पुस्तान्तरणका संवाहक
उनी नेपाली राजनीतिमा 'पुस्तान्तरण'को मुद्दालाई कडा रूपमा उठाउने नेता हुन्। पुरानो कार्यशैलीलाई त्यागेर प्रविधिमैत्री र आधुनिक राजनीतिक संस्कार बसाल्ने एजेन्डाको व्यवहारिक रुपान्तरण गरेका छन् ।
नीतिगत बहस र भिजन
उनी केवल भाषणमा मात्र सीमित नभई 'स्वास्थ्य बिमा' जस्ता नीतिगत सुधारका काममा पनि सक्रिय देखिन्छन्। देशको विकासका लागि स्पष्ट 'रोडम्याप' हुनुपर्छ भन्ने मान्यता राख्दै उनले विभिन्न समयमा 'प्रोजेक्ट नेपाल' जस्ता अवधारणामा बहस चलाउने गरेका छन्।
कार्यकर्ता र जनतासँगको निकटता
थापा सामाजिक सञ्जाल र प्रत्यक्ष भेटघाट दुवै माध्यमबाट जनतासँग निरन्तर जोडिने प्रयास गर्छन्। युवाहरूको भावना बुझ्न सक्ने र उनीहरूको आवाजलाई राजनीतिक मूलधारमा ल्याउन सक्ने क्षमतालाई उनको मुख्य शैली मानिन्छ।
चुनावी इतिहास
| निर्वाचन | क्षेत्र | प्रतिस्पर्धी | प्रतिस्पर्धी मत | प्राप्त मत | मतान्तर | नतिजा |
|---|---|---|---|---|---|---|
| २०६४ | समानुपातिक |
|
||||
| २०७० | काठमाडौं-४ | निर्मल कुइँकेल | ९१३५ | २२३३६ | १३२०१ |
|
| २०७४ | काठमाडौं-४ | राजन भट्टराई | १८१४० | २१५५८ | ३४१८ |
|
| २०७९ | काठमाडौं-४ | राजन भट्टराई | १३८५५ | २१३०२ | ७४४७ |
|
राजनीतिक टाइमलाइन
विद्यार्थी राजनीति
२०४६ सालमा नेविसंघमा आबद्ध । २०५१ - २०५३: त्रि-चन्द्र क्याम्पसको स्ववियु सदस्य र पछि सचिव। २०५५: त्रि-चन्द्र क्याम्पसको स्ववियु सभापतिमा निर्वाचित। यहीँबाट उनको वक्ता र सडक आन्दोलनकारीको छवि स्थापित भयो। २०५९: नेपाल विद्यार्थी संघ (नेविसंघ) को केन्द्रीय महामन्त्री नियुक्त।
गणतन्त्रको प्रखर आवाज
२०६१/६२: तत्कालीन राजा ज्ञानेन्द्रको प्रत्यक्ष शासनविरुद्ध सडकमा गणतन्त्रको नारा लगाउने थोरै युवा नेतामध्ये एक। उनले कांग्रेसभित्र ‘गणतन्त्र’ को बहस छिराउन महत्वपूर्ण भूमिका खेले। २०६२/६३: जनआन्दोलन-२ का क्रममा पटक-पटक पक्राउ र जेल सजाय। उनी आन्दोलनको ‘युवा आइकन’ बने।
संसदीय यात्रा र नीतिगत हस्तक्षेप
२०६४: पहिलो संविधानसभामा समानुपातिक तर्फबाट सभासद नियुक्त। उनले संविधान निर्माण प्रक्रियामा युवाका एजेन्डा र मौलिक अधिकारका विषयमा प्रखर वकालत गरे। २०७०: दोस्रो संविधानसभा निर्वाचनमा काठमाडौं–४ बाट प्रत्यक्ष निर्वाचित। २०७१: संसदको कृषि तथा जलस्रोत समितिको सभापति। यो अवधिमा उनले नीतिगत सुधारका धेरै प्रयास गरे।
कार्यकारी भूमिका र मन्त्रालय
२०७३ भदौ – २०७४ जेठ: पुष्पकमल दाहाल ‘प्रचण्ड’ नेतृत्वको सरकारमा स्वास्थ्य मन्त्री नियुक्त। विशेष योगदान: स्वास्थ्य बिमा ऐन ल्याउनु, सरकारी अस्पतालको सुधार, र मिर्गौला, क्यान्सर जस्ता कडा रोगको उपचारमा सहुलियत दिने जस्ता लोकप्रिय कामहरू।
पार्टीको नेतृत्वदायी भूमिका
२०७४: प्रतिनिधि सभा निर्वाचनमा काठमाडौं–४ बाट भारी मतान्तरले पुनः निर्वाचित। २०७८ मंसिर: नेपाली कांग्रेसको १४औं महाधिवेशनमा भारी मतका साथ केन्द्रीय महामन्त्री पदमा निर्वाचित। उनले ‘समुन्नत नेपाल: सम्मानित नेपाली’ को भिजन डकुमेन्ट अघि सारेका थिए।
प्रश्न गरेर पार्टी सभापति
२०७९ मंसिर: प्रतिनिधिसभा निर्वाचनमा काठमाडौं–४ बाट लगातार तेस्रो पटक विजयी। २०७९ पुस: पार्टीभित्र संसदीय दलको नेताका लागि शेरबहादुर देउवासँग प्रतिस्पर्धा (पराजित)। २०८२ : विदेश महाधिवेशनबाट कांग्रेस सभापतिमा निर्वाचित ।
गगन कुमार थापा को उम्मेदवारि कस्तो लागयो ?
निकटतम प्रतिद्वन्दी
