सञ्चार उद्यमबाट संसदीय राजनीतिमा

जनमत पार्टीका तर्फबाट पर्सा क्षेत्र–२ मा श्याम प्रसाद गुप्ता यस पटक प्रत्यक्ष निर्वाचनमा उम्मेदवार बनेका छन्। ४४ वर्षिय गुप्ता वीरगन्ज महानगरपालिका गहवाका स्थानीय हुन्।

ट्रिभुवन विश्वविद्यालयबाट स्नातकोत्तर गरेका उनी लामो समयदेखि सञ्चारकर्ममा सक्रिय छन्। गुप्ताले रेडियो समग्र मधेशको महाप्रवन्धकको जिम्मेवारी सम्हालेका छन्। यसैले उनी स्थानीय सूचना, सञ्चार र जनसुलभ पहुँचमा बलियो पकड राख्छन्।

उनी जनमत पार्टीका केन्द्रीय सदस्य पनि हुन्। सञ्चारकर्मीको पृष्ठभूमि र संगठनमा अनुभवका कारण उनलाई निर्वाचन क्षेत्रमा स्थानीय र समसामयिक मुद्दा बुझ्ने नेताको रूपमा  चिनिन्छ ।

अनुकूलता

• सञ्चार क्षेत्रको विशेषज्ञता
• संगठन र पार्टीसँग सम्बन्ध
• स्थानीय स्तरको ज्ञान

प्रतिकूलता

• प्रत्यक्ष निर्वाचनमा नयाँ खेलाडी
• संसदीय/प्रत्यक्ष चुनावको अनुभव सीमित