पूर्व मेयरको नयाँ पार्टीबाट उम्मेदवारी
नरेन्द्र कुमार गुप्ता
राष्ट्रिय स्वतन्त्र पार्टी (रास्वपा)बाट नवलपरासी–२ मा उम्मेदवारी दिएका नरेन्द्रकुमार गुप्ता रामग्रामका पूर्व मेयर हुन् । गुप्ता यसअघि नेपाली कांग्रेसमा थिए ।
व्यवस्थापन विषयमा स्नातक उत्तीर्ण उनले उद्योग वाणिज्य संघको विभिन्न पदमा रहेर काम गरेका छन् ।
कांग्रेसबाट २०७४ सालको स्थानीय निर्वाचनमा रामग्रामको मेयरमा निर्वाचित भए । २०७९ मा मेयरमा पुनः उम्मेदवारी दिएका उनी एमालेका उम्मेदवारसँग पराजित भए ।
२०३१ सालमा रामग्राम नगरपालिका–२, परासीमा जन्मिएका गुप्ता २०४८ सालदेखि कांग्रेसको भ्रातृ संगठन नेविसंघमा लागे ।
२०६२ सालदेखि कांग्रेसको क्रियाशील राजनीतिमा लागेका उनले २०६७ सालमा रामग्राम नगर समितिको सचिवको जिम्मेवारी पाए । २०७२ देखि २०७८ सम्म क्षेत्रीय सभापति र २०७८ मा पार्टीको जिल्ला संगठन विभाग प्रमुख बने । उम्मेदवारी दर्ताको एक दिन पहिले गुप्ताले रास्वपाबाट टिकट पाए ।
यसअघिको निर्वाचनमा रास्वपाले समानुपातिकतर्फ १० हजार ६७७ मत ल्याएको थियो । त्यतिबेला एमालेलाई ६ मतले उछिनेको रास्वपाको भन्दा बढी मत राप्रपा र कांग्रेसको थियो ।
नरेन्द्र कुमार गुप्ता को उम्मेदवारि कस्तो लागयो ?
