बौद्ध दर्शनका ज्ञाता, प्रदेश राजनीतिका अनुभवी

काठमाडौं उपत्यकाका शाक्य समुदायको इतिहास, परम्परा र बौद्ध धर्मसँगको सम्बन्धबारे उनले लेखेको पुस्तक उनको बौद्धिक पहिचानको महत्वपूर्ण आधार मानिन्छ। उनी बौद्ध विकास तथा अनुसन्धान केन्द्रसँग पनि आवद्ध रहँदै आएका छन्, जसले धार्मिक–सांस्कृतिक क्षेत्रमा समेत सक्रिय बनाएको छ।

०००

काठमाडौं जिल्लाको प्रतिनिधिसभा निर्वाचन क्षेत्र नम्बर ९ बाट नेकपा (एमाले) का उम्मेदवार अजय क्रान्ति शाक्य शैक्षिक, बौद्धिक र राजनीतिक अनुभवलाई सँगसँगै बोकेका नेता हुन् ।

५७ वर्षीय शाक्यको जन्म काठमाडौंमै भएको हो र उनको स्थायी ठेगाना काठमाडौं महानगरपालिका–न्हायकः वहिलमा रहेको छ।

शैक्षिक पृष्ठभूमिका हिसाबले अजय क्रान्ति शाक्यले विद्यावारिधिसम्मको अध्ययन पूरा गरेका छन्। उनले बौद्ध दर्शन, संस्कृति र शाक्य समुदायसम्बन्धी विषयमा गहिरो अनुसन्धान गरेका छन्।

काठमाडौं उपत्यकाका शाक्य समुदायको इतिहास, परम्परा र बौद्ध धर्मसँगको सम्बन्धबारे उनले लेखेको पुस्तक उनको बौद्धिक पहिचानको महत्वपूर्ण आधार मानिन्छ। उनी बौद्ध विकास तथा अनुसन्धान केन्द्रसँग पनि आवद्ध रहँदै आएका छन्, जसले शाक्यलाई धार्मिक–सांस्कृतिक क्षेत्रमा समेत सक्रिय बनाएको छ।

राजनीतिक रूपमा शाक्य लामो समयदेखि नेकपा (एमाले) मा सक्रिय छन्। उनी पार्टीको केन्द्रीय कमिटी सदस्य हुन्। २०७४ सालको निर्वाचनमा उनी काठमाडौं-९ (क) बाट प्रदेशसभा सदस्यमा निर्वाचित भइसकेका छन्, जसका कारण उनलाई विधायिका र प्रदेश सरकार सञ्चालनको प्रत्यक्ष अनुभव रहेको छ ।

प्रदेशसभा सदस्यको भूमिकामा रहँदा उनी विकास निर्माण, सामाजिक न्याय र नीति कार्यान्वयनमा संलग्न रहे।

शाक्यले काठमाडौं–९ मा विकास निर्माण, सामाजिक न्याय, बौद्ध संस्कृति संरक्षण, शिक्षा र युवा सशक्तीकरणलाई मुख्य एजेन्डा बनाएका छन्।

उनी एमालेको 'सुशासन र समृद्ध नेपाल' को नीतिअनुसार जनताको आधारभूत आवश्यकता पूरा गर्ने प्रतिबद्धता व्यक्त गर्छन् ।

राजनीति, बौद्ध अनुसन्धान र सामाजिक सेवालाई जोडेर काम गर्ने उनको अनुभवले काठमाडौं-९ मा दीर्घकालीन र संरचनागत परिवर्तन ल्याउन सक्ने दाबी शाक्यको छ।

अनुकूलता

• उच्च शैक्षिक र बौद्धिक पृष्ठभूमि
• संसदीय अनुभव
• बलियो दलगत संरचना

प्रतिकूलता

• स्थापित दलप्रति असन्तुष्टि
• कडा प्रतिस्पर्धा