व्यवसायबाट राजनीतिक यात्रामा पाण्डेय

नेकपा एमालेले यसपटक पर्सा क्षेत्र–३ बाट रुपेशकुमार पाण्डेय लाई उम्मेदवार बनाएको छ। ४९ वर्षका पाण्डेय व्यवसायिक पृष्ठभूमि भएका नेता हुन् र काठमाडौंस्थित आरपी ग्रुप अफ का प्रबन्ध निर्देशक हुन्। उनी दर्जनौं अन्तर्राष्ट्रिय ब्रान्डका कपडा, जुत्ता, र एक्सेसरीज नेपाल भित्र्याउने काममा संलग्न छन्।

राजनीतिक दृष्टिले पाण्डेय पहिलो पटक संघीय निर्वाचनमा उम्मेदवार बनेका हुन्। यसअघि उनी क्षेत्रीय राजनीति र पार्टी संगठनमा सक्रिय थिए। उनका परिवारका सदस्य पनि राजनीतिमा संलग्न छन् । उनका पिता वृजमोहन पाण्डे २०७४ मा कांग्रेसबाट पकहामैनपुर गाउँपालिका–२ का वडाअध्यक्ष निर्वाचित भएका थिए।

उनी यस पटक पर्सा–३ लाई नमुना क्षेत्र बनाउने र युवा नेतृत्वको दृष्टिकोणबाट परिवर्तनको आशा बोकेर मैदानमा छन्। अघिल्लो निर्वाचनमा एमालेको विजय पंक्ति (राजकुमार गुप्ता) भ्रष्टाचार मुद्दामा कारागार गएपछि पाण्डेयले टिकट पाएका हुन्।