तेस्रोपटक संसद् छिर्ने कसरत

कांग्रेसको तर्फबाट उम्मेदवार बनेका राणाले विकास, पूर्वाधार, शिक्षा, स्वास्थ्य, सुशासन, शान्ति र सेवामूलक राजनीतिलाई मुख्य मुद्दा बनाउने प्रतिबद्धता जाहेर गरेका छन् ।

०००

नेपाली कांग्रेसको विशेष महाधिवेशनबाट सहमहामन्त्री बनेका उदयर शमशेर जबराले ललितपुर १ बाट यस पटक पनि चुनावी प्रतिस्पर्धामा छन् । ५६ वर्षका राणाको स्थायी ठेगाना ललितपुर महानगरपालिका, कुपण्डोल हो । उनी कांग्रेसका पुराना नेता सागर शमशेर राणाका छोरा हुन् ।

उदय शमशेरले अमेरिकाको कर्नेल युनिभर्सिटी, न्युयोर्कबाट अन्तर्राष्ट्रिय सम्बन्धमा एमए गरेका छन् । यसअघि भारतको दिल्ली युनिभर्सिटीअन्तर्गत सेन्ट स्टिफन्स कलेजबाट अर्थशास्त्रमा स्नातक गरेका थिए । प्रारम्भिक शिक्षा भने सेन्ट जेभियर्स स्कुल, जावलाखेलबाट लिएका हुन् ।

उनी नेपाल तरुण दलको केन्द्रीय अध्यक्ष (२०१२–२०१७) रहेका थिए । अहिले नेपाली कांग्रेसको सह–महामन्त्री र केन्द्रीय कार्यसमिति सदस्य रहेका उनले ललितपुर-१ बाट पटकपटक प्रतिस्पर्धा गरिसकेका छन् ।

चुनावी इतिहास हेर्दा राणाले २०६४ सालको संविधानसभा चुनावमा ललितपुर–१ बाट पराजय बेहोरे । त्यसपछि २०७० सालको दोस्रो संविधानसभा चुनावमा ललितपुर–१ बाटै जितेर संविधानसभा सदस्य बने । २०७४ सालको प्रतिनिधिसभा चुनावमा ललितपुर–१ बाट नेकपा एमालेका नवराज सिलवालसँग पराजित भए । २०७९ सालको चुनावमा भने राणा उनै सिलवाललाई हराएर विजयी बने ।

यसरी पटकपटक सांसद रहँदा उनी अर्थ मन्त्रालयमा राज्यमन्त्री (२०७४–२०७५) पनि बनेका थिए । अहिले २०८२ को प्रतिनिधिसभा निर्वाचनमा फेरि ललितपुर–१ बाट कांग्रेसको तर्फबाट उम्मेदवार बनेका उनले विकास, पूर्वाधार, शिक्षा, स्वास्थ्य, सुशासन, शान्ति र सेवामूलक राजनीतिलाई मुख्य मुद्दा बनाउने प्रतिबद्धता मतदातासामु गरिरहेका छन् ।

मनोनयन दर्ताकै क्रममा उनले ललितपुर–१ का मतदाताबाट प्राप्त विश्वासले जिम्मेवारी बढाएको र विकास तथा सुशासनमा जोड दिने बताएका थिए ।

यस क्षेत्रमा उनका मुख्य प्रतिस्पर्धीहरूमा एमालेबाट चेतनाथ सञ्जेल, रास्वपाबाट बुद्धरत्न महर्जन, नेकपाबाट सुनिल महर्जन रहेका छन् ।