अमेरिकाको पीएचडीदेखि सिन्धुपाल्चोकको माटोसम्म

सिन्धुपाल्चोकको माटोमा भिजेका र अन्तर्राष्ट्रिय शैक्षिक जगतमा दख्खल राख्ने एक जुझारु व्यक्तित्व हुन्— डा.विजु श्रेष्ठ ।

४० वर्षका श्रेष्ठले अमेरिकाको प्रतिष्ठित युनिभर्सिटी अफ टेक्सास एट अर्लिंग्टन बाट इलेक्ट्रिकल इन्जिनियरिङमा विद्यावारिधि हासिल गरेका छन् ।

विकसित मुलुकको समृद्धि र प्रविधिलाई नजिकबाट नियालेका उनी त्यहाँको ज्ञान र अनुभवलाई आफ्नै गृहजिल्लाको विकासमा लगाउने अठोटका साथ अहिले चुनावी मैदानमा छन् ।

राजनीतिमा आउनुअघि नै डा. श्रेष्ठ जिल्लाको शैक्षिक र सामाजिक परिवर्तनमा सक्रिय थिए । उनले विकासका लागि एकता नामक संस्थाको नेतृत्व गर्दै जर्मन संस्थाको समन्वयमा सिन्धुपाल्चोकका ४६ वटा विद्यालयमा बहु-कक्षा बहु-स्तर शिक्षण प्रणाली लागू गराएका छन् ।

यस पटकको प्रतिनिधि सभा निर्वाचनमा सिन्धुपाल्चोक क्षेत्र नम्बर २ बाट उनले क्यापचुनाव चिन्ह लिएर स्वतन्त्र उम्मेदवारी दिएका छन् ।

उनले एक गाउँ, एक उद्योग योजना अनुसार स्थानीय स्रोतको परिचालन गरी गाउँमै रोजगारी सिर्जना गर्ने र जिल्लालाई आत्मनिर्भर बनाउने ठोस आर्थिक खाका अघि सारेका छन् ।

स्थापित पुराना दलहरूको मजबुत सांगठनिक संजालका बीच एक स्वतन्त्र उम्मेदवारका रूपमा उभिनु उहाँका लागि चुनौतीपूर्ण छ तर उनी भन्छन्,'म संसदमा कुनै दलको ह्विप पालना गर्न होइन, सिन्धुपाल्चोकका समस्याको इन्जिनियरिङ समाधान खोज्न जाँदैछु। मेरो लागि राजनीति पद होइन, सेवा र परिणाम दिने माध्यम हो ।'