जेनजी आन्दोलनपछि उदाएका श्रेष्ठ प्रतिनिधिसभा मैदानमा

झलकबहादुर श्रेष्ठलाई रास्वपाले नयाँ अनुहारको रूपमा अघि सारेको छ । राजनीतिमा नयाँ भए पनि जनतासँग नजिक रहेर विकास र सुशासनमा योगदान दिने उनको प्रतिबद्धता छ ।

०००

राष्ट्रिय स्वतन्त्र पार्टी (रास्वपा)बाट सिन्धुपाल्चोक क्षेत्र नम्बर २ मा झलकबहादुर श्रेष्ठ प्रतिनिधिसभाको उम्मेदवार बनेका छन् ।

लिशंखुपाखर गाउँपालिका–४ मा जन्मिएका श्रेष्ठले एसएलसीसम्मको अध्ययन गरेका छन् ।

व्यावसायिक पृष्ठभूमिका उनी सामाजिक अभियन्ताका रूपमासमेत परिचित छन् ।

उनलाई रास्वपाले नयाँ अनुहारको रूपमा अघि सारेको छ । राजनीतिमा नयाँ भए पनि जनतासँग नजिक रहेर विकास र सुशासनमा योगदान दिने उनको प्रतिबद्धता छ ।

रास्वपा उम्मेदवार श्रेष्ठ सामाजिक न्यायमा जोड दिँदै मतदाताका घरदैलोमा पुगिरहेका छन् । जेनजी आन्दोलनपछि उनी राजनीतिमा सक्रिय भएका हुन् ।

सिन्धुपाल्चोक-१ मा रास्वपा उम्मेदवार श्रेष्ठले नेपाली कांग्रेसका वंशलाल तामाङ, नेकपा एमालेका शेरबहादुर तामाङ, नेपाली कम्युनिस्ट पार्टीका युवराज दुलाललगायतसँग प्रतिस्पर्धा गर्नुपर्ने छ ।

२०७९ को प्रतिनिधिसभा निर्वाचनमा यो क्षेत्रबाट नेपाली कांग्रेसका उम्मेदवार मोहनबहादुर बस्नेत ३९ हजार ३८१ मत ल्याएर निर्वाचित भएका थिए । उनलाई तत्कालीन माओवादी केन्द्रले सघाएको थियो ।

दोस्रो नम्बरमा आएका नेकपा एमालेका शेरबहादुर तामाङले २७ हजार ५१५ ल्याउँदा राष्ट्रिय स्वतन्त्र पार्टीका माया गुरुङ २ हजार ४५३ मतमा सीमित भएकी थिइन् ।