प्रदेशबाट संघमा छलाङ मार्ने लक्ष्य

प्रतिनिधिसभा-२ को कबाट दुई पटक प्रदेशसभा सदस्य निर्वाचित भइसकेका दुलाल युवा नेतृत्व र जनमुखी काम गर्ने शैलीका कारण लोकप्रिय छन् ।

०००

नेपाली कम्युनिस्ट पार्टी (नेकपा)बाट सिन्धुपाल्चोक क्षेत्र नम्बर २ मा युवराज दुलाल प्रतिनिधिसभाको उम्मेदवार बनेका छन् । उनी नेकपाका सक्रिय र परिणाममुखी नेताका रूपमा चिनिन्छन् ।

७ फागुन २०३९ मा सिन्धुपाल्चोकको चौतारा साँगाचोकगढी नगरपालिका–७ मा जन्मिएका दुलालले स्नातकोत्तर तहसम्मको अध्ययन गरेका छन् ।

प्रतिनिधिसभा-२ को कबाट दुई पटक प्रदेशसभा सदस्य निर्वाचित भइसकेका दुलाल युवा नेतृत्व र जनमुखी काम गर्ने शैलीका कारण लोकप्रिय छन् । बागमती प्रदेशमा सामाजिक विकास तथा पूर्वाधार विकास मन्त्रीको जिम्मेवारीसमेत उनले सम्हालेका छन् ।

दुलाल स्वास्थ्य, पूर्वाधार र विपत्तिमा देखिने गरी काम गर्ने अनुभवले परिचित छन् । खरो, तार्किक र स्पष्ट विचार राख्ने शैलीका दुलाल अध्ययनशील र तथ्यमा आधारित बहस गर्ने नेताका रूपमा पनि परिचित छन् । व्यक्तिगत काम र प्रभावशाली नेतृत्वले उनको राजनीतिक अवस्थालाई बलियो बनाएको छ ।

स्वास्थ्य, पूर्वाधार र विपत्तिमा देखिने गरी काम गरेकोले उनले मतदातामाझ लोकप्रिय नेताको छवि बनाएका छन् ।

२०७९ को प्रतिनिधिसभा निर्वाचनमा सिन्धुपाल्चोक-२ बाट नेपाली कांग्रेसका उम्मेदवार मोहनबहादुर बस्नेत निर्वाचित भएका थिए । त्यतिबेला बस्नेतले ३९ हजार ३८१ मत ल्याएका थिए । उनलाई तत्कालीन माओवादी केन्द्रले सघाएको थियो ।

दोस्रो नम्बरमा आएका एमालेका तामाङले २७ हजार ५१५ ल्याउँदा राष्ट्रिय स्वतन्त्र पार्टीका माया गुरुङ २ हजार ४५३ मतमा सीमित भएकी थिइन् ।