देवराजको दोस्रो प्रयास
देवराज पाठक
राष्ट्रिय स्वतन्त्र पार्टीबाट प्रतिनिधिसभा सदस्यका उम्मेदवार देवराज पाठक देउखुरी क्षेत्रमा पुराना शैक्षिक व्यक्तित्व हुन् । २०२२ चैतमा गढवा गाउँपालिका–६, गढवामा जन्मिएका उनी चारदशक अध्यापनसँगै राजनीतिमा सक्रिय भए ।
स्नातकोत्तर गरेका उनी देउखुरी क्षेत्रमा ‘पाठक सर’ले परिचित छन् । २०४० सालमा श्री माध्यमिक विद्यालय बनगाउँ देउखुरीबाट प्रवेशिका उत्तीर्ण गरे । वाणिज्यशास्त्रमा स्नातक गरेका पाठकले २०५६ मा समाजशास्त्रमा स्नातकोत्तर र २०५८ सालमा सामाजिक मूल्य विषयमा स्नातकोत्तर गरेका हुन् ।
पाठकले नेपाल शिक्षक संघको जिल्ला उपसभापति बनेर काम गरिसकेका छन् । २०७९ सालमा उनी तत्कालीन शिक्षक संघ र अध्यापन पेशालाई छोडी राष्ट्रिय स्वतन्त्र पार्टी (रास्वपा) मा प्रवेश गरे । हाल रास्वपा केन्द्रीय सदस्य तथा लुम्बिनी प्रदेश सभापतिको जिम्मेवारीमा छन् ।
गत निर्वाचनमा दाङ–१ मा गठबन्धनको समर्थन पाएका मेटमणि चौधरी विजयी भएका थिए । मेटमणि नेपाली कम्युुनिष्ट पार्टीबाट उम्मेदवार बनेका छन् । एमालेबाट रेवतीरमण शर्मा र नेपाली कांग्रेसबाट योगेन्द्र चौधरी चुनावी मैदानमा छन् ।
पाठकले २०७९ सालमा प्रतिनिधिसभा सदस्यमा १३ हजार ७९८ मत प्राप्त गरेर तेस्रो भएका थिए । रास्वपाको समानुपातिक मत ११ हजार ४१० थियो ।
जेनजी आन्दोलनपछिको राजनीतिक अवस्था, संगठन विस्तार र अन्य दलहरू बीच गठबन्धन नहुनु पाठकका लागि अनुकूल पक्ष हुन् ।
प्रस्तुति : गिरिराज नेपाली
देवराज पाठक को उम्मेदवारि कस्तो लागयो ?
