संघर्षबाट उठेका वैचारिक नेता

मोरङ - ४ उम्मेदवार

गुरुराज घिमिरे

नेपाली कांग्रेस

पुरुष , ५७ वर्ष, उम्मेदवारी : प्रतिनिधिसभा

Profile Political Nature Election History Timeline

विशेष महाधिवेशनबाट महामन्त्री निर्वाचित घिमिरे उच्च मनोवल सहित चुनावी मैदानमा छन् ।

०००

नेपाली कांग्रेस महामन्त्री गुरुराज घिमिरे मोरङ क्षेत्र नम्बर ४ बाट प्रतिनिधिसभा सदस्य उम्मेदवार छन् । २०२७ फागुन १२ मा मोरङको अमरदहमा जन्मिएका घिमिरे कांग्रेसको केन्द्रीय राजनीतिमा प्रभावशाली छन् ।

कांग्रेसभित्र पुस्तान्तरणको मुद्दा उठाउने नेताका रूपमा परिचित उनले विशेष महाधिवेशनबाट महामन्त्रीको जिम्मेवारी पाएका हुन् ।

स्वर्गीय हरिप्रसाद घिमिरे र दुर्गादेवी घिमिरेका छोरा गुरुराजको राजनीतिक उचाइ कुनै विरासतको उपज होइन, उनी विद्यार्थी राजनीतिबाट पार्टीको केन्द्रमा उदाएका हुन् ।

अमरदहस्थित वीरेन्द्र माध्यमिक विद्यालयबाट उनी नेपाल विद्यार्थी संघमा जोडिएका थिए । विद्यालयको इकाइ समितिबाट सुरु भएको उनको यात्रा जिल्ला हुँदै केन्द्रीय राजनीतिसम्म फैलियो ।

संगठन विस्तार, लोकतान्त्रिक अधिकारको रक्षा र वैचारिक बहसमा उनी अग्रसर भए । २०५९ सालमा नेविसंघको केन्द्रीय सभापतिको जिम्मेवारी घिमिरेले सम्हाले । उनी सभापति हुँदा कांग्रेसका वर्तमान सभापति गगन थापा नेविसंघ महामन्त्री थिए ।

उनले विद्यार्थी आन्दोलनलाई सडकमा मात्र सीमित राखेनन्, वैचारिक रूपमा अघि बढाउँदै गणतन्त्रको पक्षमा उभ्याउन भूमिका खेले ।

घिमिरे साहित्यकार पनि हुन् । उनका कृति तीन कृति प्रकाशोन्मुख छन् ।

५५ वर्षीय घिमिरे २०७८ सालमा भएको कोशी प्रदेश अधिवेशनमा प्रदेश सभापतिमा पराजित भएका थिए । प्रदेश अधिवेशनमा तत्कालिन संस्थापन पक्षका उद्धव थापा ८४४ सहित विजयी हुँदा इतर समूहका घिमिरेले ८४२ मत पाएका थिए ।

२०७९ सालको प्रदेश तथा प्रतिनिधिसभा निर्वाचनमा मोरङ क्षेत्र नम्बर ४ (१) बाट प्रदेशसभा उम्मेदवार बनेका थिए । तर, पराजित भए । नेकपा एमालेबाट जयप्रकाश चौधरी १५ हजार ४६४ मतसहित विजयी हुँदा घिमिरेले १५ हजार ६० मत प्राप्त गरेका थिए । यो पटक उनी प्रतिनिधिसभा सदस्यको उम्मेदवार बनेका हुन् ।

गत निर्वाचनमा मोरङ-४ मा कांग्रेस सहितको गठबन्धन समर्थित नेकपा माओवादी केन्द्रका अमनलाल मोदीले जितेका थिए । यसपटक मोदीले नेपाली कम्युनिस्ट पार्टी (नेकपा) बाट उम्मेदवारी दिएका छन् ।

घिमिरेले एमालेका जीवन घिमिरे, राष्ट्रिय स्वतन्त्र पार्टीका सन्तोष राजवंशी, राष्ट्रिय प्रजातन्त्र पार्टीका माधवप्रसाद आचार्य, जनता समाजवादी पार्टी नेपालका तवरेज अखतर आलम लगायतसँग प्रतिस्पर्धा गर्नुपर्ने देखिन्छ ।

विशेष महाधिवेशनबाट महामन्त्री निर्वाचित घिमिरे उच्च मनोवल सहित चुनावी मैदानमा छन् । विद्यार्थी राजनीतिबाट आएका उनलाई संगठनको बल छ । यद्यपि पार्टीभित्रको असन्तुष्टिको प्रभावलाई पूरै नकार्न भने सकिँदैन ।

Battleground Analysis

अनुकूलता

विशेष महाधिवेशनबाट निर्वाचित केन्द्रीय नेतृत्व
विद्यार्थी राजनीतिबाट आएको संगठनको बल
पुस्तान्तरण र वैचारिक पुनर्संरचनाको मुद्दा उठाउने नेता

प्रतिकूलता

पार्टीभित्रको असन्तुष्टि सम्बोधन गर्ने चुनौती
परिवर्तित गठबन्धनको समीकरण
बहुकोणीय प्रतिस्पर्धा

शिक्षा

स्नातकोत्तर

संसदीय अनुभव

समानुपातिक संविधानसभा सदस्य

२०७९ को मत

१५,०६०

राजनीतिक स्वभाव र शैली

पुस्तान्तरणका वकालतकर्ता

नेविसंघको राजनीतिदेखि नै पार्टीभित्र रूपान्तरण र पुस्तान्तरणको आवाज उठाउने मुख्य नेता। गगन थापा र विश्वप्रकाश शर्माहरूको समकालीन वा अग्रजका रूपमा उनले वैचारिक नेतृत्व दिएका छन् ।

वैचारिक व्यक्तित्व

राजनीतिमा मात्र होइन, साहित्यमा पनि उत्तिकै सक्रिय। उनका निबन्ध र विचारहरूमा राजनीतिको गहिराइ र समाजको चित्रण पाइन्छ।

कम अवसर तर अविचलित

पार्टीको आन्तरिक चुनाव (प्रदेश सभापति) मा २ मतले र संसदीय चुनाव (प्रदेश सभा) मा ४०४ मतले पराजित हुँदा पनि विचलित नभई संगठनमा लागिरहने धैर्यवान् नेता।

स्पष्ट वक्ता

नेतृत्वको कमजोरीलाई सिधै औंल्याउन सक्ने र लोकतन्त्रको रक्षाका लागि अडान लिन सक्ने स्वभाव।

चुनावी इतिहास

निर्वाचन	क्षेत्र	प्रतिस्पर्धी	प्रतिस्पर्धी मत	प्राप्त मत	मतान्तर	नतिजा
२०७०	समानुपातिक
२०७९	मोरङ-४ (क)	जयप्रकाश चौधरी	१५४६४	१५०६०	४०४	पराजित