जित निकाल्ने दोस्रो प्रयास

उनी दोलखाको विकास, पूर्वाधार निर्माण, जलविद्युत् आयोजना, पर्यटन, कृषि तथा रोजगारी सिर्जनाजस्ता मुद्दालाई प्राथमिकता दिँदै चुनावी मैदानमा छन् ।

०००

दोलखाको कालिञ्चोक गाउँपालिकाका स्थायीबासिन्दा हुन् जगदीश खरेल । ३६ वर्षीय खरेललाई राष्ट्रिय स्वतन्त्र पार्टी (रास्वपा) ले २१ फागुनमा हुने प्रतिनिधिसभा निर्वाचनमा दोलखा क्षेत्र नं. १ बाट उम्मेदवार बनाएको छ ।

स्नातक तहसम्मको अध्ययन पूरा गरेका उनीसँग विशेष गरी जलविद्युत् क्षेत्रमा विज्ञता भएका इन्जिनियर खरेलले पछिल्लो समय दोलखामा पार्टी संगठन विस्तारमा सक्रिय भूमिका निर्वाह गर्दै आएका छन् ।

२०७९ सालको निर्वाचनमा पनि उनी रास्वपाबाट नै उम्मेदवार थिए । उनले ३ हजार ८१ मत ल्याएर तेस्रो भएका थिए ।

उनी दोलखाको विकास, पूर्वाधार निर्माण, जलविद्युत् आयोजना, पर्यटन, कृषि तथा रोजगारी सिर्जनाजस्ता मुद्दालाई प्राथमिकता दिँदै चुनावी मैदानमा छन् ।

नेकपा एमाले, नेपाली कांग्रेस र नेपाली कम्युनिस्ट पार्टीको पनि यो क्षेत्रमा राम्रो उपस्थिति रहेकाले जितका लागि कडा प्रतिस्पर्धा गर्नुपर्ने चुनौती उनलाई छ ।