पर्यटन विकासको नारा बोकेर चुनावी मैदानमा

दोलखाको विकास, पर्यटन, कृषि, पूर्वाधार निर्माण तथा सामाजिक सद्भावजस्ता मुद्दालाई प्राथमिकता दिने उनको भनाइ छ ।

०००

राष्ट्रिय प्रजातन्त्र पार्टी (राप्रपा) ले २१ फागुनमा हुने प्रतिनिधिसभा सदस्य निर्वाचनमा दोलखा क्षेत्र नम्बर १ बाट प्रविणकुमार थोकरलाई उम्मेदवार बनाएको छ । ४४ वर्षीय थोकरको जन्म दोलखाको मेलुङ गाउँपालिकामा भएको हो । उनले स्नातक तहसम्मको अध्ययन पूरा गरेका छन् । उनी राप्रपाका केन्द्रीय सदस्य हुन् ।

उनले दोलखामा पार्टी संगठन विस्तार, स्थानीय मुद्दा उठान तथा राष्ट्रियता, हिन्दू राष्ट्र तथा राजसंस्था जस्ता राप्रपाको मूल नीतिहरूको प्रचारमा जोड दिएका छन् ।

पछिल्लो समय भ्रष्टाचारविरुद्धको अभियानमा उनी सक्रिय छन् ।

दोलखाको विकास, पर्यटन, कृषि, पूर्वाधार निर्माण तथा सामाजिक सद्भावजस्ता मुद्दालाई प्राथमिकता दिने उनको भनाइ छ ।

नेपाली कांग्रेस, नेकपा एमाले, नेपाली कम्युनिस्ट पार्टी (नेकपा) र रास्वपा जस्ता दलसँग प्रतिस्पर्धा गर्न उनलाई चुनौती छ ।