तेस्रो जितको खोजीमा

रवि लामिछाने

पुरुष , ५० वर्ष, उम्मेदवारी : प्रतिनिधिसभा

Profile Political Nature Election History Timeline

राष्ट्रिय स्वतन्त्र पार्टी (रास्वपा) का सभापति रवि लामिछाने चितवन–२ बाट तेस्रो पटक उम्मेदवार बनेका छन् । उनले चितवनलाई आफ्नो पार्टीको आधार इलाका समेत मान्दै आएका छन् ।

२०७९ मा सम्पन्न प्रतिनिधिसभा निर्वाचनमा चितवन–२ बाट पहिलो पटक निर्वाचित भएपछि लामिछाने नागरिकता विवादमा तानिए । यही विषयमा सर्वोच्च अदालतको आदेशपछि उनको पद खारेज भयो । पुनः नेपाली नागरिकता लिएर २०८० मा भएको उपनिर्वाचनमा उठेर लामिछाने विजयी भए ।

२०७९ असारमा पार्टी खोल्नु अगाडि लामिछाने एक टेलिभिजन प्रस्तोताको रूपमा परिचित थिए । ‘सिधा कुरा’ नामक कार्यक्रम चलाएका लामिछानेले जनजीविकाका सवाल उठाउँथे । सोही कार्यक्रमका सहकर्मी शालिकराम पुडासैनीले नारायणगढको एक होटलमा आत्महत्या गरेपछि लामिछानेमाथि आत्महत्या दुरुत्साहनको मुद्दा चलेको थियो । उनलाई हिरासतमा राखिएको बेला चितवनमा ठूल्ठूला प्रदर्शन भएकै कारण चितवनलाई उनले आफ्नो राजनीतिक आधार क्षेत्र मान्दै आएका छन् ।

सोही घटना र चितवनमा देखिएको अपार जनसमर्थनपछि उनी राजनीतिक दल खोल्न मोडिएका थिए । पार्टी खोलेर चुनाव जितेपछि उपप्रधानमन्त्री तथा गृहमन्त्री भए ।

दोहोरो राहदानी सम्बन्धी मुद्दा झेलेका लामिछानेले पछिल्लो समय सहकारी ठगी तथा संगठित अपराध सम्बन्धी मुद्दामा धरौटी तथा बिगो तिरेर रिहा भएका हुन् । यस पटकको निर्वाचनमा रास्वपालाई बहुमत दिलाउन भन्दै चुनावमा होमिएका लामिछानेका लागि चितवन २ बाट कस्तो मत आउला भन्ने आम चर्चा छ ।

लामिछानेको क्षेत्रमा कांग्रेसबाट मीना खरेल, एमालेबाट अस्मिन युवा उम्मेदवार भएकै कारणले रविको पहिले जस्तो जितको कीर्तिमान कायम हुन चुनौतीपूर्ण देखिन्छ ।

Expand Reading..

Battleground Analysis

अनुकूलता

२०७९ मा चुनाव जित्दा र पुनः उपनिर्वाचनमा देखिएको जनसमर्थनले चितवन–२ लाई उनको व्यक्तिगत आधार क्षेत्रका रूपमा स्थापित गरेको छ।
रास्वपाका केन्द्रीय सभापति, राष्ट्रिय व्यक्तित्व
टेलिभिजन प्रस्तोता हुँदै ‘सिधा कुरा’ मार्फत जनजीविकाका मुद्दा उठाएको छविले उनलाई परम्परागत राजनीतिभन्दा फरक र जनमुखी नेताका रूपमा परिचित

प्रतिकूलता

नागरिकता, दोहोरो राहदानी, सहकारी ठगी तथा संगठित अपराधसम्बन्धी मुद्दाले उनको विश्वसनीयतामाथि प्रश्न उठाउने अवसर प्रतिपक्षलाई दिएको छ
कांग्रेस र एमालेबाट अपेक्षाकृत बलिया र नयाँ अनुहारका उम्मेदवार हुँदा अघिल्ला चुनावजस्तो एकतर्फी माहोल बन्न कठिन
उम्मेदवार र पार्टी परिवर्तन गरिरहने मतदाताले तेस्रो पटक मत नदिन सक्ने जोखिम

शिक्षा

प्रमाणपत्र तह

संसदीय अनुभव

२ पटक प्रत्यक्ष निर्वाचित

२०७९ को मतान्तर

५४,१७६

सरकारको अनुभव

उपप्रधान तथा गृहमन्त्री

राजनीतिक स्वभाव र शैली

विवाद र चर्चा

नागरिकता, राहदानीदेखि सहकारी ठगीसम्मका दर्जनौं कानुनी झमेलालाई उनले 'राजनीतिक प्रतिशोध' को भाष्य दिएर सहानुभूतिको भोटमा बदल्ने प्रयास गर्छन् ।

आधार इलाका

पत्रकार शालिकराम पुडासैनी आत्महत्या प्रकरणमा हिरासतमा रहँदा चितवनमा उर्लिएको जनसागरले नै उनलाई राजनीतिमा होमिन प्रेरित गरेको थियो। त्यसैले चितवन–२ लाई उनी आफ्नो 'फलामे किल्ला' मान्छन् ।

अस्थिर तर आक्रामक

छोटो समयमै उपप्रधान तथा गृहमन्त्री बन्नु, सर्वोच्चको आदेशले पद जानु, फेरि उपनिर्वाचन जित्नु र अहिले सहकारी काण्डमा धरौटीमा रिहा भएर चुनाव लड्नु- उनको करियर 'रोलर कोस्टर' जस्तै छ।

चुनावी इतिहास

निर्वाचन	क्षेत्र	प्रतिस्पर्धी	प्रतिस्पर्धी मत	प्राप्त मत	मतान्तर	नतिजा
२०७९	चितवन-२	उमेश श्रेष्ठ	१४९८८	४९३००	३४३१२
२०८० (उप)	चितवन-२	जितनारायण श्रेष्ठ	११२१४	५४१७६	४२९६२