जेनजी आन्दोलनपछि राजनीतिमा होमिएका बखत

आफ्नो जीवन कालमा कहिल्यै राजनीति गर्छु भनेर नसोचेको बताउने शाही जेनजी आन्दोलनपछि सिर्जित अवस्थाले भने आफू राजनीतिमा आएको बताउँछन् ।

०००

नेपाल सरकारको पूर्ण स्वामित्व भएको विद्युत् उत्पादन कम्पनी लिमिटेडको प्रमुख कार्यकारी अधिकृतको पदबाट राजीनामा दिएर राजनीतिमा होमिएका नेता हुन्– बखतबहादुर शाही । हाइड्रो इन्जिनियर शाही सडक, सिँचाइ, खानेपानी र जीविकोपार्जन लगायतका क्षेत्रमा लामो समय काम गरेका व्यक्ति हुन् । 

शाही २०२६ साल ४ जेठमा दैलेखको दुल्लु नगरपालिका–१३, थपेनचौरमा जन्मिएका हुन् ।

त्रिभुवन माध्यमिक विद्यालय दैलेख बजारबाट एसएलसी पास गरेका शाहीले पुलचोक इन्जिनियरिङ कलेज ललितपुरबाट २०४८  मा डिप्लोमा इन इन्जिनियरिङ पास गरे । २०५२ सालमा सुर्खेत मल्टिपल क्याम्पसबाट विकम गरेका उनले द इनिष्टिचियुट अफ इन्जिनियरिङ कलेज कलकत्ता भारतबाट २०५७ मा स्नातक पास गरेका छन् । शाहीले इन्जिनियरिङ कलेज कलकत्तामा स्नातकमा स्वर्णपदक समेत हासिल गरे । २०६४ सालमा पोखरा विश्वविद्यालय अन्तर्गतको नेपाल इन्जिनियरिङ कलेजबाट वाटर रिसोर्स म्यानेजमेन्टमा स्नातकोत्तर गरेका छन् । 

उनले एसएलसी पास गरेपछि २०४३ देखि २०५४ सम्म चामुण्डा मावि दैलेखमा शिक्षण समेत गरेका थिए । २०४९ देखि २०५४ सम्म करिब ५ वर्ष वीरेन्द्रनगर नगपालिका सुर्खेतमा ओभरसियर भएर काम गरे । सन् २००१ देखि २००७ सम्म जीआइजेड अन्तर्गत र्याप वान आसीआईडब्लूमा परियोजनाको इन्जिनियरको रूपमा उनले दैलेखका विभिन्न गाविसमा पुगेर काम गरेका थिए । 

सन् २०१० देखि एक वर्ष हेल्पटासको जिल्ला ट्रान्सपोट मास्टर प्लानरको रूपमा समेत काम गरेका उनले २०११ मा करिब ६ महिना २२ मेघावाटको माई हाइड्रोपावर इलाममा इन्जिनियरको रूपमा काम गरेको अनुभव छ । 

सन् २०११ देखि २०१७ सम्म आईएनसीडब्लू (यूके) टिम लिडरको भूमिका रहेर काम गरेका उनले २०१७ देखि २०२१ सम्म सानिघाट/कालान्दा हाइड्रोपावर प्रालि बझाङमा प्रोजेक्ट म्यानेजर भएर काम गरेको अनुभव शाहीसँग छ । 

सन् २०२१ देखि २०२२ सम्म १ सय ११ मेघावाटको निलगी हाइड्रोपावरमा प्रोजेक्ट म्यानेजर, २०८० साउदेखि २०८२ असोज ११ गतेसम्म विद्युत् उत्पादन कम्पनी लिमिटेडमा प्रमुख कार्यकारी अधिकृतको रूपमा काम गरेका छन् ।  

आफ्नो जीवन कालमा कहिल्यै राजनीति गर्छु भनेर नसोचेको बताउने शाही जेनजी आन्दोलनपछि सिर्जित अवस्थाले भने आफू राजनीतिमा आएको बताउँछन् । उनै शाहीलाई राष्ट्रिय स्वतन्त्र पार्टी (रास्वपा) ले दैलेख –२ बाट उम्मेदवार बनाएको छ ।