समावेशी नेतृत्वको आवाज बन्‍ने लक्ष्यसहित चुनावी दौडमा

उनले नागरिक अधिकार, महिला सहभागिता र समावेशीताका मुद्दालाई प्राथमिकताका उठाइरहेकी छन् ।

०००

२१ फागुनमा हुने प्रतिनिधिसभा सदस्य निर्वाचनमा मोरङ क्षेत्र नम्बर-६ मा राष्ट्रिय स्वतन्त्र पार्टी (रास्वपा) बाट रुविना आचार्य उम्मेदवार छिन् । 

सामाजिक क्षेत्रमा सक्रिय रहेका उनी उज्वल थापाले स्थापना गरेको विवेकशील साझा पार्टीसँग नजिक थिइन् । विराटनगर–४, आयल निगम क्षेत्रमा जन्मिएकी रुविनाको बाल्यकाल विराटनगरमा बितेको थियो । 

उनले प्रारम्भिक शिक्षा इडेन नेसनल सेकेन्डरी बोर्डिङ स्कुलबाट लिएकी थिइन् । प्लस–टुसम्मको अध्ययन मेरिल्यान्ड कलेज विराटनगरबाट गरेकी थिइन् । काठमाडौं विश्वविद्यालयबाट उनले एमबीए अध्ययन गरेकी छन् ।

उनको राजनीतिक यात्रा २०७४ सालको प्रतिनिधिसभा निर्वाचनबाट सुरु भएको थियो । त्यसबेला विवेकशील साझा पार्टीबाट निर्वाचन प्रचारमा खटिएकी थिइन् । विवेकशील साझाको युवा संगठनको बागमती प्रदेश समितिमा रहेर काम गरेकी उनी विवेकशील साझा पार्टीको केन्द्रीय सदस्य पनि बनिन् ।

उनले नागरिक अधिकार, महिला सहभागिता र समावेशीताका मुद्दालाई प्राथमिकताका उठाइरहेकी छन् ।

उनी डाक्टर गोविन्द केसीको चिकित्सा शिक्षा सुधार अभियान, कोरोना महामारीका बेला सञ्चालन गरिएको ‘तातो भात अभियान’,महिला हिंसा विरुद्धको अभियानमा पनि सक्रिय थिइन् ।

अनुकूलता

• सामाजिक अभियान र नागरिक मुद्दामा सक्रियता
• नीतिगत समझ
• नयाँ पुस्ता र समावेशी प्रतिनिधित्व

प्रतिकूलता

• प्रत्यक्ष निर्वाचन अनुभव सीमित
• स्थानीय संगठनात्मक आधारको प्रश्न
• स्थापित दलसँग कडा प्रतिस्पर्धा